Rrëfimi i prekshëm i Nachos-Nga ndalesa për të luajtur futboll përjetë, në lojtar që luan në klubin më të madh në botë

Në nëntor, mbrojtësi i Real Madrid, Nacho, zbuloi se ai kur ishte fëmije vuante nga diabeti.

Ai flet për herë të parë për këtë dhe frikën e madhe që e kishte pasi kuptoi diagnozën, por forca e tij e madhe e ktheu sëmundjen në mënyrë pozitive dhe u kthye edhe më i fortë.

“Isha vetëm 12 vjeçar kur e kuptova që isha diabetik. Kam qëndruar jashtë fushave për dy vite të tregohem i sinqertë ishin kohë të vështira. E mbaj mend kur shkova në spital – isha gati të shkoja në një turne me Real Madridin, por mungova. U kontrollova te një mjek, nuk ishte endokrinolog (specialist i sëmundjeve të gjëndrave). Më tha që ditët e mija të futbollit kanë marrë fund”, fillon tregimin Nacho.

“Kalova një gjendje të vështirë në atë vikend. Tri ditë më pas takova Dr. Ramirezin, që u kthye në endokrinologun tim të rregullt dhe unë i kam shumë borxh atij. Ai më tha mua kështu: Nuk kanë përfunduar ditët e futbollit për mua. Në fakt, unë vazhdova të luaj, pasi që gjendja psikike ka një rëndësi të madhe. Atë të hënë, jeta ime filloi përsëri”.

“Natyrisht është e vështirë, natyrisht duhet të jesh u kujdesshëm tri herë më shumë se njeriu normal, por në një mënyrë unë e shoh si pozitive”.

“Duhet të kesh kujdes me dietat dhe mënyrën e pushimit. Kjo të bën më të përgjegjshëm, pasi duhet t’i bartë pajisjet (insulinën, monitor, etj…)”, ka thënë Nacho, transmeton Telegrafi.

“Nuk kam asnjë ndalesë. Jam shumë i fat që luaj edhe futboll në nivelet më të larta. Luaj shumë sporte dhe kjo është mirë për psikikën. Bëj prej të gjithave nga pak. Ngas biçikletën në male, bëjë triatlon. Diabeti nuk më ndalon asgjë”.

“Ka disa lloje të ushqimeve që duhet të kem kujdes, por unë i ha gjithçka”.

“Jam me fat që gjithçka është nën kontroll dhe kam bisedime të vazhdueshme me doktorin. Siç thash, kjo të bën më shumë të kujdesshëm pasi kujdesshëm më shumë”.

“E di që do të jetë me mua gjatë të gjithë jetës, natyrisht – nëse gjendet ndonjë kur.  Është sikur të kesh një shok skuadre në krahë”, ka mbaruar rrëfimin e tij mbrojtësi i Real Madridit. /Telegrafi/