Rozana vendos të mos tërhiqet nga gara pas komenteve ofenduese të Jozit

Rozana ka zgjedhur të vazhdojë garën për çmimin e madh të Big Brother pas situatës së pakëndshme me Jozin, i cili, gjatë një bisede me Aldon, kishte bërë komente denigruese për figurën e artistes.

Pas ftesës nga Vëllai i Madh për të dhënë mendimin e saj për nominimin, Rozana ka ndarë disa fjalë të ndjera për partnerin, familjen dhe publikun që e ka mbështetur gjithmonë.

Rozana: “Dua t’i them partnerit tim faleminderit që këto 12 vite më ke lënë të lirë dhe më ke mbështetur në çdo shfaqje, në çdo fjalë, në çdo koncert, për çdo gjë që kam bërë në jetë. Zoti më ka dashur shumë që më ka sjellë pranë një person si ai. Andeta, nipi dhe mbesa ime, unë jam këtu për të vazhduar me atë forcën që ti ma ke dhënë dhe do të vazhdoj sa të kem fuqi.

Më tutje ajo vazhdoi: “Unë kam mbajtur shumë dhe vazhdoj të mbaj, dua që njerëzit të më mbështesin dhe të jenë me mua në këtë rrugëtim që do ta bëj për të treguar që unë jam ajo që ata kanë njohur”.

Në fund të mesazhit, Rozana ka përmendur dy emrat që dëshironte të ishin në nominim.

Sipas saj, Jozi duhet të nominohej për situatën e pakëndshme që ndodhi, ndërsa Aldo për faktin se “duhet të vinte dhe të ma thoshte këtë gjë”. /Telegrafi/