Ronaldo reagon pas prezantimit të Varanes në Old Trafford

Edhe Cristiano Ronaldo ishte i impresionuar nga prezantimi madhështor i Manchester Unitedit që i bëri mbrojtësit Raphael Varane në Old Trafford.

United është kritikuar këtë javë për vonesën në shpalljen zyrtare të marrëveshjes prej 42.7 milionë funtesh për nënshkrimin me lojtarin francez nga Real Madrid.

Por, Unitedi e shfrytëzoi maksimalisht gjendjen, pasi lejoi mbështetësit e tyre që të bënin një mirëseardhje të madhe nënshkrimit të tyre të ri në Old Trafford të shtunën.

Lexo po ashtu Fjalët e para të Varanes si lojtar i ri i Manchester Unitedit

Pak para ndeshjes hapëse të Ligës Premier kundër Leeds United, United konfirmoi transferimin e Varanes dhe qendërmbrojtësi doli në fushë në Old Trafford duke mbajtur fanellën e tij të re me numër 19.

Varane u përshëndet nga një ovacion i vazhdueshëm nga tifozët e Unitedit, ndërsa Old Trafford ishte mbushur me mbi 72 mijë mbështetës për herë të parë që nga fillimi i pandemisë së coronavirusit.

Lexo po ashtu Phil Jones refuzoi të heqë dorë nga numri 4 për Raphael Varanen

Vendimi i Unitedit për të zbuluar Varane para një Old Traffordi të mbushur plot u vlerësua gjerësisht, dhe Ronaldo gjithashtu dukej se mbështeste gjestin ndërsa ai iu përgjigj me ‘madhështore’ videos së Rio Ferdinandit në Instagram.

View this post on Instagram

A post shared by Rio Ferdinand (@rioferdy5)

Ndryshe, Unitedi e filloi sezonin e tij në mënyrë perfekte me një fitore 5-1 ndaj Leeds.

Në anën tjetër, Varane pritet të debutojë të Djajtë e Kuq në ndeshjen e ardhshme. /Telegrafi/