Fëmijët me lule dhe me këngë pritën Cristiano Ronaldon në aeroportin në Medeira që do ta mbajë emrin e tij.
Pas ndeshjes së djeshme ku super ylli i Real Madridit shënoi gol, ai në mëngjes zbriti në ishullin portugez ku u mbajt ceremonia e riemërimit të aeroportit të Madeiras, ‘Aeroporto Cristiano Ronaldo’.
Aeroporti Cristiano Ronaldo
Pas ndryshimit të emrit të aeroportit, aty gjendet edhe një statujë e lojtarit, ndërsa është pritur në mënyra të përziera nga njerëzit, pasi kishte disa kundër emërimit në emrin e tij.
Disa vendas nuk donin këtë emër edhe pse lartësia e sportistit është e admirueshme dhe kjo do të nxisë edhe më shumë turizmin në këtë ishull.
Kapiteni i Portugalisë ishte me të dashurën e tij Georgina Rodriguez, ku e bëri përurimin.
Georgina në përurim
“Faleminderit që gjendeni këtu në këtë nderë që më bëhet. Duke parë emrin tim këtu në aeroport është diçka shumë e veçantë. Të gjithë e dinë se unë jam krenar për vendin tim dhe veçanërisht qytetin tim të lindjes”.
Ronaldo para statujës së tij
“Faleminderit shumë për presidentit të qeverisë lokale Miguel Albuquerque që ka pasur guximin për të bërë këtë”.
“Miku im, kurrë nuk e kam kërkuar këtë, pasi nuk jam hipokrit, por unë jam i lumtur dhe i nderuar”.
Ronaldo me të dashurën në përurimin e emrit të aeroportit
“Unë do të përpiqet që me dinjitet ta prezantoj Portugalinë dhe veçanërisht Madeira me frymën e sakrificës, dinjitetit dhe pasionit”, ka thënë Ronalo. /Telegrafi/
