“Ronaldo është më i mirë se Messi”

Cristiano Ronaldo është më i mirë se “i pabesueshmi” Lionel Messi, sipas pilotit të Formula 1, spanjollit Fernando Alonso.

Ylli i Real Madridit, Ronaldo dhe maestro i Barcelonës, Messi shpesh krahasohen mes vete, me dy më të mëdhenjtë e ditëve të sotme që kanë fituar së bashku plot nëntë Topa të Artë.

Lexo po ashtu “Ronaldo jo më i mirë se Messi për shkak se është egoist”

Alonso, dy herë kampion i botës bë Formula 1 dhe anëtar i nderit në klubit e Real  Madridit ka thënë se nuk kishte dyshime në mendjen e tij se kush ishte më i mirë i të dyve.

“Po, Cristiano është më i mirë se Messi”, ka thënë fillimisht Alonso për Globo Esporte përpara garës të së dielës në Grand Prix.

“Messi ka një talent të jashtëzakonshëm, por si një tifoz i Real Madridit, vetëm lojtarët e Real Madridit më interesojnë”, shtoi piloti i F1.

Lexo po ashtu “Nëse e doni futbollin, e doni edhe Messin”

Messi dhe Ronaldo do të përpiqen të udhëheqin Argjentinën dhe Portugalinë respektivisht në lavdinë e Kupës së Botës në Rusi vitin e ardhshëm.

Megjithatë, Alonso beson se dy kombet e tjera – Brazili dhe Spanja – meritojnë favorizim për ngjarjen e madhe botërore të futbollit.

Lexo po ashtu Fernando Alonso bëhet ambasador i Real Madridit (Foto)

“Është e vështirë të dihet se kush do të fitojë, por tani Brazili janë favoritët”.

“Spanja mund të jetë e fortë. Do të ishte mirë nëse do të luanin finalen”. përfundoi ngasësi spanjoll. /Telegrafi/