Ronaldinho i thur elozhe Gabriel Jesusit

Ronaldinho, ka thënë se Gabriel Jesus është në rrugë për t’u bërë një nga lojtarët më të mirë në Evropë.

Legjenda braziliane ka qenë një fans i bashkëkombësit që kur lojtari kaloi në futbollin anglez nga klubi brazilian Palmeiras si i ri. Por, ai tha se lojtari nuk ka pasur mundësinë për të treguar më të mirën e tij në Manchester City, dhe se tani do ta bëjë atë për Arsenalin.

“Kur Gabriel iu bashkua Manchester Cityt, thashë se ai do të vazhdonte të ishte një nga lojtarët më të mirë në botë. Kur iu dha një shans, ai tregoi atë që ishte i aftë – por te Manchester City nuk iu tregua kurrë dashuria që meriton një lojtar i cilësisë së tij”, deklaroi Ronaldinho.

Lexo po ashtu Historia rrëqethëse që fshihet mbrapa tatuazhit të Neymarit dhe Gabriel Jesusit

“Në Arsenal, atij i është dhënë shansi të jetë pika qendrore, atij i është treguar dashuria nga trajneri dhe tifozët”.

“Këtë sezon pres gjëra të mëdha prej tij – ai do të shpërblejë dashurinë e treguar tek ai duke treguar se nuk është vetëm një nga lojtarët më të mirë në Ligën  Premier , por edhe në Evropë”, u shpreh më tej legjenda e futbollit.

Ronaldinho: ‘This season I expect big things from Gabriel Jesus. He will show he is not just one of the best players in England, but also in Europe. Arsenal will get back into the top four this season with the signings they have made, maybe they can even challenge for the title’. pic.twitter.com/lWJwCQukil

— Patrick Timmons (@PatrickTimmons1) August 19, 2022

Jesus shënoi 95 gola në 236 paraqitje për Cityn, duke fituar tetë trofe të mëdhenj, raporton 90Min.

Që kur u transferua në Arsenal, 25-vjeçari ka demonstruar formë mbresëlënëse si titullar i rregullt. /Telergafi/