Roma thuhet se ka fituar garën ndaj Milanit për Veretout

Jordan Veretout thuhet se është afër një transferimi te Roma, pasi ka pranuar kërkesat e Fiorentinës prej 20 milionë eurosh, duke mposhtur Milanin në garë.

Saga për transferimin e Vereteout është shtrirë për javë të tëra, me mesfushorin francez që kundërshton një lëvizje jashtë vendit në favor të një qëndrimi në Serie A, por që nuk dëshiron të mbetet në Firence.

Roma dhe Milani vazhdimisht u përpoqën të përfshinin shkëmbimet e lojtarëve si pjesë e marrëveshjes, diçka që Fiorentina refuzoi, ndërsa Napoli kishte qenë njëri nga pretendentët e hershëm për nënshkrimin e tij.

Lexo po ashtu Gati prezantimi Giampaolos, Milan tenton transferimin e Veretout

Viola uli çmimin e tyre të kërkuar nga 25 milionë në 20 milionë euro për të përshpejtuar procedurat.

Sipas raporteve më të fundit nga Sky Sport Italia, Veretout është shumë afër kalimit te Roma për 19 milionë euro duke përfshirë edhe disa bonuse të vogla.

Milani duke kryesuar garën deri në ditët e sotme, por njoftohet se propozimi i Rossonerëve si për klubin ashtu edhe për lojtarin ishin inferiore ndaj atyre të Romës.

Ndryshe, Veretout ka pasur një sezon të mirë me klubin Viola pasi ka zhvilluar 37 ndeshje duke shënuar pesë gola dhe katër asistime. /Telegrafi/