Roma fiton me shumë mund ndaj Lecces që ishte me dhjetë lojtarë nga fillimi i ndeshjes

Roma ka fituar 2-1 ndaj Lecces në kuadër të javës së nëntë në Serie A.

Ishte minuta e gjashtë e takimit kur Giallorossët shënuan golin e parë me anë të Chris Smalling, me një asistim nga Lorenzo Pellegrini.

Lecce më pas mbeti me dhjetë lojtarë në fushë në minutën e 22-të, pasi Hjulmand u përjashtuan direkt me karton të kuq.

#RomaLecce #SerieATIM Sotto di un gol e con capitan Hjulmand espulso dopo check VAR, i giallorossi non mollano e trovano la forza di reagire con Strefezza, ancora lui, che firma l'1 a 1 #avantilecce pic.twitter.com/wLuFsYsMQB

— U.S. Lecce (@OfficialUSLecce) October 9, 2022

Mirëpo, kjo nuk e demoralizoi skuadrën mysafirë, që ia doli t’i barazonte shifrat në 1-1 me golin e Strefezzas, që u asistua nga Samuel Umtiti në minutën e 39-të.

Dy skuadrat shkuan në pushimin mes pjesëve me rezultat të barabartë, ndrysa në të dytën u shënua edhe një gol tjetër.

DYBALA! DAL DISCHETTO! 2-1 PER NOI#RomaLecce pic.twitter.com/0DaPBZRMUu

— AS Roma (@OfficialASRoma) October 9, 2022

Golin për tri pikë të Romës e realizoi Paulo Dybala në minutën e 48-të, duke realizuar nga penalltia.

Pas javës së nëntë në Serie A, Roma gjendet në vendin e pestë me 19 pikë, ndërsa në xhiron e dhjetë përballet me Sampdorian. /Telegrafi/