Rivaldo: Messi duhet ta ndihmojë Griezmannin për t’u mos u bërë ‘Coutinho i ri’

Legjenda e Barcelonës, Rivaldo shqetësohet se Antoine Griezmann po përsërit ‘luftërat’ që Philippe Coutinho i duroi sezonin e kaluar.

Coutinho tani është i huazuar te Bayern Munich dhe është vendosur të shitet këtë verë.

Bavarezët nuk janë të interesuar ta blejnë lojtarin, por braziliani është i kërkuar nga shumë klube të mëdha evropiane.

Për situatën e lojtarit ka folur legjenda braziliane, Rivaldo, i cili e ka krahasuar Griezmannin me të dhe thënë se Lionel Messi duhet ta ndihmojë për të mos dështuar.

Lexo po ashtu Griezmann: Jemi gati për ta fituar titullin në La Liga

“Barça ka fituar të dy ndeshjet e tyre që nga rifillimi, me Antoine Griezmann si titullar, por ai vazhdon të jetë larg nga lojtari që ai ishte në Atletico Madrid dhe disa po pyesin nëse ai mund të bëhet një ‘Coutinho i ri’ te Barcelona”, ka thënë fillimisht Rivaldo për Betfair.

“Është e ashpër të fillosh të bësh ato krahasime, por varet nga lojtari që ta provojë të kundërtën në fushë”.

“Mungesa e golave ​​është demotivuese dhe dëmton besimin e Griezmann, kështu që besoj se është e rëndësishme që Lionel Messi ta ndihmojë atë”.

“Messi mundet, për shembull, ta lejojë Griezmann të marrë penallti kur Barcelona po fiton me lehtësi – vetëm për të marrë rezultatin e francezit – ashtu sikurse bënte me Luis Suarez në të kaluarën”, përfundoi braziliani. /Telegrafi/