Këshilla për kujdesin e ciklaminit do të ringjallë bimën tuaj të preferuar të dhomës – do të lulëzojë si e “harlisur” dhe gjethet do të jenë të forta dhe me shkëlqim
Këto janë rregullat për ujitje dhe mbjellje.
Këto lule të mrekullueshme me gjethe jeshile të errët, të zbukuruara me lara ngjyrë argjendi dhe jeshile, mund të jenë një dekorim i vërtetë, nëse kujdeseni për to në mënyrën e duhur.
Gjatë kohës që lulëzon, ciklaminin duhet ta ujisni katër herë në javë dhe nëse bima është jashtëzakonisht e harlisur dhe ka shumë lule, mund ta ujitni çdo ditë, transmeton Telegrafi.
Është e rëndësishme vetëm të ndiqni një rregull. Ciklamini nuk duhet ujitur nga lart, por “nga poshtë”. Më saktësisht, uji duhet të derdhet në kapakun e fundit të saksisë, nga e cila bima nxjerr lagështinë e nevojshme.
Është mirë të vendosni aty një shtresë të hollë guralecash. Gjatë periudhës së lulëzimit, shtoni në ujë pak pleh të lëngshëm për bimët e luleve dhe përdorni këtë tretësirë një herë në 15 ditë.
Nëse e mbillni bimën në mars, mos ngurroni ta shartoni në gusht. Nëse vëreni se gjethet kanë filluar të zverdhen dhe të bien, ka mundësi që bima të jetë shumë e ngrohtë, ndaj zhvendoseni në një vend më të freskët me më shumë fluks ajri.
Njollat gri në gjethe janë shenjë se ciklamini është sulmuar nga myku, ndaj kërkoni një fungicid në farmacinë bujqësore për ta trajtuar atë. /Telegrafi/
