Rikthehet Renault 4 - mësohet se kur do të jetë i disponueshëm për shitje në Evropë

Në më shumë se 100 vende gjatë 30 viteve janë shitur 8,135,424 modele Renault 4.

E prezantuar në vitin 1961, vetura ekonomike ishte përgjigje ndaj Citroen 2CV.

Megjithatë, ajo arriti të bëhej një sukses i madh tregtar në mbarë botën, përcjell Telegrafi.

Renault 4 mbijetoi deri në vitin 1994, ndërsa tani po rikthehet zyrtarisht.

Renault 4 E-Tech ka një trup të ngjashëm me origjinalin R4.

I mbështetur nga e njëjta platformë AmpR si R5, crossoveri i ri do të marrë më pak se tetë sekonda e gjysmë për të arritur shpejtësinë 100 km/h nga një vend ndalimi.

Pas debutimit të tij publik këtë javë në Motor Show 2024 në Paris, R4 i ri do të dalë në shitje në Evropë vitin e ardhshëm. /Telegrafi/