Reus: Ekipet e ashtuquajtura të vogla po na vështirësojnë jetën, por me pasion dhe angazhim mund të arrini shumë

Marco Reus ka folur pas fitores së Gjermanisë ndaj Suedisë në kuadër të Grupit F.

Kombëtarja e Gjermanisë ka fituar në fund me rezultat 2-1 në ndeshjen e vuajtur ndaj Suedisë, të cilët kaluan të parët në epërsi.

Goli i barazimit erdhi nga Reus, ndërsa në minutat shtesë ishte Toni Kroos, i cili ia siguroi fitoren.

Lexo po ashtu Gjermania fiton në frymën e fundit ndaj Suedisë, Kroos ia siguron fitoren në shtesë

Është pikërisht Reus që ka folur pas ndeshjes, duke theksuar se kundërshtarët e vogël që po luajnë në mbrojtje po ua vështirësojnë jetën ekipeve të mëdha.

“Në këtë Kampionat Botëror është bërë e qartë se me shumë pasion dhe angazhim ekipet mund të arrijnë shumë”, ka thënë fillimisht Reus pas ndeshjes.

“Të ashtuquajturat ekipe të vogla e bëjnë shumë të vështirë jetën për të ashtuquajturat ekipe më të mëdha”.

Lexo po ashtu Low: Ishte një triler i mbushur me emocione, nuk humbëm shpresën dhe në fund fituam

“Ato me të vërtetë luajnë me mjeshtëri dhe mendoj se kjo është ajo që me të vërtetë karakterizon këtë Kupë të Botës – është plot me surpriza”.

“Shumë shpesh kundërshtari ka një mbrojtje shumë të shtrënguar, një mbrojtje me katër shumë kohezive, mbrojtje me pesë, kështu që ju duhet të punoni në rrugën tuaj rreth kësaj dhe keni nevojë të përshpejtoni dhe më në fund të gjeni pjesën e pasme të rrjetës”, përfundoi sulmuesi gjerman. /Telegrafi/