Reali e do të njëjtin portier për La Liga dhe LK

Transferimi i Thibaut Courtois gjatë verës e ka bërë pozitën e portierit diskutabile te Real Madridi.

Keylor Navas kishte tri sezone si titullar në portën e Real Madridit duke siguruar edhe triumf evropian.

Teksa Julen Lopetegui është i bindur se mund t’i mbajë të dy portierët të lumtur, klubi është në dijeni se rotacionet e kaluara mes Casillasit dhe Navasit ose Casillasit dhe Diego Lopezit nuk funksionuan si duhet.

Teksa Carlo Ancelotti startonte me Diego Lopezin në kampionat dhe me Casillasin në Ligën e Kampionëve e Copa del Rey, në zyret e Realit duan të njëjtin portier për garat kryesore.

Barcelona ka pasur sukses me rotacionin Bravo – Ter Stegen, por Real Madridi dëshiron konsistencë.

Courtois ka ardhur te Real Madridi me mendjen se është startues, ashtu si ka luftuar me Petr Cech për portën e Chelseat.

Belgut nuk i ishte garantuar pozita e startuesit, por ai beson se mund ta kthejë situatën për së mbari, duke mbajtur respektin për bashkëlojtarin kostarikan.

Navas ka thënë se dëshiron të luftojë dhe nuk ishte detyruar që të largohet.

Me La Ligan që po zhvillohet dhe me Ligën e Kampionëve që do të fillojë shpejt, do të kuptohet edhe kush do të startojë te klubi madrilen. /Telegrafi/