Real Madridi rivalizon Barcelonën për yllin e Manchester Cityt

Ylli i Manchester City, Julian Alvarez është lidhur me një largim nga skuadra e Pep Guardiolës ditët e fundit, mes paaftësisë së tij për të hyrë në formacionin fillestar për kampionët evropianë.

Që kur u zbulua se skuadra katalunase refuzoi mundësinë për të nënshkruar me Alvarezin kur ai ishte në River Plate, ka pasur lidhje me Bluagranasit sa herë që gjërat nuk kanë shkuar mirë për fituesin e Kupës së Botës.

Megjithatë, meqë Barcelona nuk ka gjasa të jetë në gjendje të paguajë një tarifë të konsiderueshme, është e drejtë të dyshohet në aftësinë e tyre për të arritur një marrëveshje.

Lexo po ashtu Ylli i Manchester Cityt thotë se sot do të ishte lojtar i Real Madridit - por kishte një gjë që e pengoi

Megjithatë, Real Madridi nuk ka gjasa ta ketë këtë problem, dhe sipas Radio Continental në Argjentinë, Los Blancos kanë qenë në kontakt me agjentin e tij për të vlerësuar nëse Alvarez do të ishte i interesuar për një lëvizje në Bernabeu.

Duke qenë se lajmi është përhapur në Argjentinë, është e drejtë të supozohet se këto thashetheme burojnë nga agjenti i Alvarez.

Nëse kjo është thjesht një metodë për të ushtruar presion ndaj Guardiolës dhe Manchester Cityt, apo ka një interes të vërtetë për një lëvizje, vetëm koha do ta tregojë. /Telegrafi/