Ramandani thotë se ka dilema në botë për dozën e tretë të vaksinës: Ne duhet t’i marrim vaksinat që kemi

Infektologu Hamdi Ramadani ka folur edhe mundësinë e vaksinimit të disa personave me dozën e tretë të vaksinës anti-Covid.

Ramadani në RTV Dukagjini ka thënë se në Kosovë duhet të arrihet së pari imunizimi me dy vaksina.

“Kjo dozë e tretë e vaksinës që po quhet si dozë përforcuese në disa vende. Por është e rëndësishme të shihet imuniteti i fituar post vaksional me teste stereologjike për të parë nivelin e antitrupave”.

Ai thotë se në shumë vende të botës ka dilema në lidhje me vaksinën e tretë përforcuese.

“Në SHBA doza e tretë rekomandohet për disa persona që kanë imunitet të dobësuar apo personat e grupmoshave mi 65-vjeç. Ndërsa në Itali, autoritetet shëndetësore nuk e mbështesin për momentin dozën e tretë si dozë e domosdoshme. Mund të jetë e preferueshme”, shtoi Ramadani, përcjell Telegrafi.

Infektologu thotë se për momentin në Kosovë nuk ka debat në lidhje me nevojën apo jo të dozës së tretë.

“Unë mendoj se vendi ynë të bëjë shumë që qytetarët të marrin komplet këto doza të vaksinave që i kemi në mënyrë që të arrihet të shihet se sa po i mbron vaksina qytetarët e vendit tonë”, tha ndër të tjera Hamdi Ramadani./Telegrafi/