Zekirija Ramadani nuk u nda aspak i kënaqur me lojën e futbollistëve të tij që e treguan në duel me Ballkanin.
Kryetrajneri i Feronikelit sqaron edhe arsyet e formës së jo të mirë të Feronikelit në dy javët e fundit, duke përfshirë edhe barazimin 0-0 në xhiron e shkuar ndaj Flamurtarit.
“Mund të them që jam i gëzuar me fitoren, por aspak me lojën. Ishte një ndeshje e vështirë për faktin se Ballkani na e bëri ndeshjen të vështirë falë lojës së mirë që luajti sot, por edhe për faktin që patëm shumë mungesa”.
“E di që nuk duhet të varemi nga futbollistë të caktuar, por skuadra me ta është më e harmonizuar”.
“Ndoshta na kanë bërë dëm ato dy fitoret bindëse ndaj Gjilanit dhe Trepçës ’89 duke u zhbllokuar herët, ndaj edhe po kemi telashe në dy ndeshjet e fundit”.
“Lufta për titull? Ka ende deri në fund, por e rëndësishme ishte të fitoni sot, pasi që skuadra do të fitonte qetësinë e nevojshme. Mbajtëm diferencën e pikëve ndaj ndjekësve më të afërt dhe kjo na jep vetëbesim për ndeshjet tjera”, deklaroi Zekirija Ramadani për Super Sport Kosova.
Feronikeli ka 59 pikë dhe është në pozitën e parë. /Telegrafi/
