Rafinha drejt largimit, Milani dhe Arsenali në ‘luftë’ për shërbimet e tij

Milani përsëri po lidhet me një goditje të janarit për mesfushorin e Barcelonës Rafinha, por përballet me konkurrencë të fortë nga gjiganti anglez, Arsenali.

24-vjeçari braziliani ka qenë në radar të ekipeve të mëdha evropiane për disa vjet, por gjithmonë ka zgjedhur të qëndrojë në Camp Nou, klubin në të cilin ai u rrit.

Lexo po ashtu Milani i hapur për transferimin e Rafinhas

Por, Rafinha mundet të shikoj mundësinë e largimit nga gjiganti katalunas pasi asnjëherë nuk po arrin të bëhet pjesë e rregullt e formacionin titullar.

Sipas Super Deporte, Rafinha është në listën e largimeve gjatë afatit kalimtar të transferimeve të janarit.

E gjithë kjo vjen pasi ai është jashtë deri në dhjetor me një dëmtim të ligamentit të gjurit dhe nuk ka luajtur akoma këtë sezon.

Milani është skuadra më e interesuar për shërbimet e tij dhe një huazim me opsionin blerje do të ishte ideale për Rossonerët.

Lexo po ashtu Rafinha i ofrohet Arsenalit

Megjithatë, Arsenali gjithashtu është i interesuar, pasi e shohin Rafinhan një kandidat serioz për të zëvendësuar Mesut Ozilin, i cili pritet të largohet nga Emirates.

Çmimi i Rafinhas besohet të sillet rreth 25-30 milionë euro. /Telegrafi/