Qytetarët të kënaqur që testimet për coronavirus po bëhen edhe në qendër të Prishtinës

Instituti Kombëtarë i Shëndetësisë Publike sot kanë filluar testimin e qytetarëve për coronavirus në qendër të Prishtinës. Drejtori Naser Ramadani tha se testime do të bëhen edhe në pika të tjera.

Shumë qytetarë që kanë dyshuar se mund të jenë të infektuar nga coronavirusi, sot kanë mundur të testohen fare lehtë në qendër të Prishtinës.

Ky veprim iu ka pëlqyer shumë qytetarëve të cilët thonë se kushtet5 ekonomike ua kanë pamundësuar realizimin e testimit në qendra private.

“Ky është një veprim shumë i mirë nga IKSHPK-ja. Ka njerëz që nuk kanë mundësi të testohen me para”, deklaroi për RTV Dukagjinin, qytetari Ramiz Çoçaj.

“Ky testim është shumë i mirë por është i vonuar. Është dashur të bëhet më herët në mënyrë që të mos rritet numri…Ka shumë njerëz që nuk dinë ku të adresohen dhe kjo për të bërë testime në shesh është shumë veprim i mirë”, deklaroi qytetarja Sanije Demiraj.

“Testimi masiv do të pasqyronte gjendjen reale se sa jemi të infektuar me coronavirus”, shprehet qytetari Ukë Osmanaj.

Testimet në shesh do të bëhen edhe ditën e mërkurë nga ora 9:30-13:00./Telegrafi/