Qeveria e RMV-së propozon rritjen e pagave për prokurorët dhe anëtarët e Këshillit të Prokurorëve Publikë

Qeveria përmes Ministrisë së Drejtësisë me ministrin Nikolla Tupançeski propozon rritje të pagave të prokurorëve publikë dhe anëtarëve të Këshillit për prokurorë publikë.

Këto ligje të propozuara janë në rend dite të seancës së sotme, të cilat do të miratohen me procedurë të shkurtuar.

Sipas burimeve parlamentare, është përcaktuar nevoja për miratimin e këtyre ligjeve, të cilat më pas duhet të kalojnë nëpër komisione, ndaj këto ligje duhet të miratohen pas Vitit të Ri.

Këto ligje u propozuan në maj 2022, kur sondazhet treguan besim te gjyqësori në tetë për qind, dhe sondazhi më i fundit i IRI-së tregoi 4 për qind besim në gjyqësor.

Portali “SDK.MK” njofton se qeveria propozon rritjen e pagave të anëtarëve të Këshillit të Prokurorëve Publikë, dhe sipas asaj që shkruhet në projektligj, qëllimi i ndryshimeve të propozuara ligjore është ngritja e sistemit të pagave të anëtarët e Këshillit të Prokurorëve Publikë, në përputhje me kuptimin dhe reputacionin e funksionit që kryejnë, peshën e punës dhe përgjegjësinë e tyre./Telegrafi/