Nëse Sami Khedira qëndron te Juventusi, atëherë Emre Can mund të nxirret në listën e transferimeve të Zonjë së Vjetër.
Bianconerët kanë bërë disa ndryshime në mesfushë para fillimit të sezonit të ri, ndërsa Maurizio Sarri është duke i bërë planet e fundit.
Pas transferimeve të Aaron Ramsey dhe Adrien Rabiot, ishte pritur që Khedira të largohej nga Juve dhe ta vazhdonte karrierën diku tjetër.
Sami Khedira (Foto: Alessandro Sabattini/Getty Images/Guliver)
Mirëpo, është raportuar se Sarri është bindur nga cilësitë e tij dhe dëshiron ta mbajë në skuadër edhe për sezonin 2019/2020.
Ndërkaq, Sport Mediaset paralajmëron se nëse ndodh kjo, atëherë do të ketë pasoja te Emre Can, i cili iu bashkua kampionit italian në verën e kaluar si transfer i lirë nga Liverpooli.
Emre Can (Foto: Fred Lee/Getty Images/Guliver)
25-vjeçari që regjistroi 37 paraqitje dhe katër gola në sezonin e tij debutues, mund të shitet deri në fund të muajit, ndërsa interesimi për shërbimet e tij është i madh. /Telegrafi/
