Pyatt: Gabim historik i BE-së me Shkupin dhe Tiranën

“Ne vlerësojmë se ishte gabim historik i Bashkimit Evropian të mos shkojë përpara me Maqedoninë e Veriut dhe Shqipërinë”.

Këtë deklaratë e dha ambasadori i SHBA-së, në Greqi Geoffrey Pyatt, gjatë kohës së panel diskutimit në Samitin e Selanikut, përcjell Telegrafi Maqedoni.

Duke folur për perspektivën evropiane të Ballkanit Perëndimor, ambasadori Geoffrey Pyatt, tha se asgjë nuk mundet të jetë më mirë për Selanikun, për Greqinë Veriore dhe për sigurinë e greke se sa të gjitha fqinjët të stabilizohen përmes kombinimit të anëtarësimit në Bashkimin Evropian dhe NATO.

“Duke folur për SHBA-në, mendojmë se shumë e rëndësishme është që ky proces të kthehet sa më shpejtë dhe me padurim presim të bashkëpunojmë me Qeverinë e Greqisë që kjo të ndodhë”, tha Pyatt.

Po ashtu ai theksoi se është tepër me rëndësi zgjidhje e çështjes që kryeministri Zaev është në Selanik, ndërsa shefi i diplomacisë greke, Dendias në Beograd, duke i komentuar se SHBA-të, e përshëndesin “kthimin e Greqisë si faktor të rëndësishëm në stabilitetin e Ballkanit Perëndimor”.

“Presim se do të vazhdojmë të punojmë shumë afër, me qëllim që t’ju ndihmojmë këtyre shteteve t’i bëjnë reformat e rënda, të cilët janë të patjetërsueshme për të qenë pjesë e familjes evropiane dhe mos të humbin shpresa”, theksoi Geoffrey Pyatt.