Pyatt: Duhet të shfrytëzohet mundësia për zgjidhjen e çështjes së emrit

“Shtetet e Bashkuara të Amerikës janë të interesuara që të dyja palët të shfrytëzojnë dritaren e mundësive që tani është e hapur”, tha ambasadori i SHBA-së në Greqi, Geoffrey Pyatt.

Lidhur me çështjen e emrit, ai zbulon se kjo temë ishte një pjesë e rëndësishme e bisedimeve që ndihmës sekretari i shtetit Mitchell kishte në Athinë dhe kishte mundësinë të “ndante disa nga përshtypjet e tij nga bisedimet në Shkup”, përcjell Telegrafi Maqedoni.

Geoffrey Pyatt thotë se Shtetet e Bashkuara dëshirojnë të bëjnë gjithçka që munden për të mbështetur përpjekjet e të dërguarit të posaçëm të Kombeve të Bashkuara në bisedimet e emrit, Matthew Nimetz.

“Mënyra më e mirë për të mbështetur Nimetzin për të mbështetur këtë diplomaci, nuk është që të flasim apo spekulojë se si po shkojnë bisedimet, por përkundrazi duke treguar pikëpamjen amerikane, se tani është mundësia për të lënë pas vetes këtë problem, në një mënyrë që është e mirë për Greqinë, e mirë për popullin e Shkupit, por është gjithashtu e mirë për rajonin më të gjerë”, tha për mediat Geoffrey Pyatt.

Ambasadori amerikan shton se SHBA-ja e ka të qartë edhe pas takimit të Mitchell me Kotziasin edhe pas vlerësimeve nga ekspertët e SHBA-së në Shkup, se edhe qeveria greke edhe ajo e Maqedonisë duan që të gjejnë një zgjidhje.