Publiku kontestuan me revoltë shkëmbimin e pikëve mes Greqisë dhe Qipros në “Eurovision 2019”

Ka përfunduar nata finale edicionit të 64-të të “Eurovision”.

Holanda u shpall fituese e edicionit të sivjetmë, gjersa Italia u rendit në vendin e dytë dhe Rusia në të tretin.

Pas përfundimit të 26 performancave nga përfaqësuesit e shteteve, erdhi edhe momenti i publikimit të rezultateve nga juria profesionale dhe publiku, të cilët kishin nga 50 për qind të peshës.

Lexo po ashtu Gjermania mori zero pikë në Izrael, nga votimi i publikut në "Eurovision 2019"

Fillimisht u prezantuan votat e jurisë profesionale, të cilat në rezultatin final sollën këtë renditje: Suedia (239 pikë), Maqedonia e Veriut (237 pikë) dhe Holanda (231 pikë).

Megjithëse shumë shtete u treguan profesionale në votim, pati edhe prej atyre që votuan me fqinjësi, duke shkaktuar reagime në publik.

Lexo po ashtu Po shkonte drejt fitores me votat e jurisë, Maqedonia e Veriut përfundon në vendin e tetë nga votimi i publikut

Të tilla ishin Greqia dhe Qipro, të cilët shkëmbyen votat maksimale prej 12 pikëve ndaj njëra-tjetrës, duke bërë që të shkaktohen shumë revoltime dhe të bërtitura në publik, të cilët e panë si politik dhe jo të drejtë votimin e tyre.

Sido që të jetë ishin votat e publikut ato që përmbysën gjithçka, kjo pasi Maqedonia e Veriut përfundoi nga vendi i dytë në të tetin, ndërsa Suedia nga vendi i parë në të gjashtë.

Greqia në renditjen përfundimtare u rendit e 16-ta, ndërsa Qipro e 12-ta.

Përfaqësuesja e Shqipërisë, Jonida Maliqi, përkundër përfaqësimit dinjitoz, grumbulloi në total 90 pikë nga juria profesionale dhe publiku, duke u renditur në vendin e 18-të. /Telegrafi/