PSP kërkon burg për Ivona Talevskën, dorëzon ankesë për vendimin e gjykatës

Prokuroria Speciale Publike ka dërguar ankesë deri te Gjykata e Apelit, për dënimin e të akuzuarës në lëndën “Tifani”, Ivona Talevska.

Jozyrtarisht mësohet se gazetarja Ivona Talevska ka filluar të kthejë një pjesë të shumës, e cila arrin afërsisht 2,5 milionë denarë, përcjell Telegrafi Maqedoni

Muajin e kaluar, gjykata e dënoi Talevskën me dy vjet burg me ksuht, nëse katër vitet e ardhshme nuk e përsërit veprën e “evazionit fiskal”.

Sipas akuzës Ivona Talevska si përfaqësuse dhe udhëheqëse e “Smart Centar” SHPK eksport-import – Shkup dhe agjencisë “Smart” gjatë periudhës nga 2008 deri 2014, ajo dhe personat juridik për t’i ikur taksave ka dhënë informacion të gabuar për transefirimin e taksave.

Ajo për nevoja personale ka blerë veshje të brendshme nga 500 euro, veshje me në çmim prej 33,508 euro, syza, kozmetikë për 1,009 euro, mobilje luksoze, sigurim për dyer, biçikleta dhe të ngjajshme. Firmat e Talevskës nuk kanë paguar detyrimet tatimore me shumë prej 37,634 euro, ndërsa e akuzuara nuk ka paguajtur tatim me shumë prej 16,924 euro./Telegrafi/