PSG mposht bindshëm në shtëpi Marseillen

PSG ka mposhtur me rezultat të thellë 4-0 skuadrën e Marseille, në kryendeshjen e javës së gjashtë në elitën e futbollit francez.

Vendasit kaluan herët në avantazh thënë më saktë në minutën e tetë të takimit, pas një goli mjaft të bukur nga Achraf Hakimi i cili ekzekutoi në mënyrë perfekte një goditje të dënimit. (1-0).

Në minutën e 32-të të takimit, Kylian Mbappe u detyrua të largohej nga fusha për shkak të një lëndimi, duke ia liruar vendin Gonçalo Ramosit.

Kylian Mbappé was subbed off with an injury for PSG tonight 🤕🩹 pic.twitter.com/s8RsnOhXN1

— 433 (@433) September 24, 2023

Teksa po afrohej fundi i pjesës së parë në skenë doli prurja e re, Randal Kolo Muani, i cili në minutën e 37-të shënoi për të dyfishuar epërsinë e parisienëve. (2-0)

Me këtë rezultat të dy skuadrat shkuan në pushim mes pjesëve.

Me të filluar pjesa e dytë, PSG-ja shënoi edhe golin e tretë, përmes portugezit Ramos i cili shfrytëzon për mrekulli asistimin nga Ousmane Dembele. (3-0)

Golin e katërt për PSG-në dhe të dytin personal në këtë takim e shënoi Goncalo Ramos në minutën e 88-të ku kësaj radhe u asistua nga Kolo Muani. (4-0)

Pas këtij goli, Marseille tashmë veq se e pranoi fatin e saj në këtë ndeshje duke mos arritur dot që të shënojë të paktën një gol.

Me këtë fitore PSG shkon në kuotën e 11 pikëve teksa momentalisht është e pozicionuar në vendin e katërt në tabelën e klasifikimit pas një starti jo të mirë të sezonit.

Lexo po ashtu Ndodh edhe kjo: PSG mendon ta largojë Dembelen një muaj pasi e bleu, tre klube angleze e duan huazimin e tij në janar

Ndeshjen e radhës ata do ta zhvillojnë në udhëtim ndaj Clermont Foot./Telegrafi/