Pse na mërdhihen këmbët më shumë se që duhet?

Këmbët e ftohta mund të jenë si rrjedhojë e temperaturës apo probleme të caktuara shëndetësore duke përfshirë qarkullimin e dobët dhe diabetin.

Shumë njerëz mund të ballafaqohen me këtë problem në një moment të jetës së tyre. Disa shkaqe janë të përkohshme dhe të padëmshme, por të tjera mund të tregojnë çështje më serioze shëndetësore.

Çfarë i bënë këmbët të jenë të ftohta?

Ka disa shkaqe të ndryshme për këtë. Ndonjëherë arsyeja më logjike është mungesa e nxehtësisë. Nëse nuk keni veshur çorape dhe këmbët tuaja janë zbathur atëherë ka kuptim që ato që të ftohen, megjithatë kjo nuk është arsyeja e vetme.

Qarkullim i dobët

Ky është një nga shkaqet më të zakonshme të këmbëve të ftohta. Qarkullimi i dobët mund ta bëjë të vështirë që gjaku i mjaftueshëm i ngrohtë të arrijë rregullisht në këmbët tuaja, duke i mbajtur ato më të freskëta se pjesa tjetër e trupit tuaj.

Problemet e qarkullimit mund të vijnë si rezultat i një problemi të zemrës, ku zemra e ka të vështirë për të pompuar gjakun nëpër trup me një ritëm mjaft të shpejtë. Qarkullimi i dobët mund të jetë rezultat i qëndrimit shumë ulur. Nëse uleni në një tavolinë gjatë gjithë ditës për punë, mund ta përjetoni këtë. Pirja e duhanit gjithashtu mund të shkaktojë qarkullim të dobët.

Anemia

Anemia zhvillohet kur keni mungesë të qelizave të kuqe të gjakut. Ky është një tjetër shkaktar i zakonshëm i këmbëve të ftohta, veçanërisht në rastet e rënda të anemisë. Anemia nga mungesa e hekurit mund të ndodhë edhe te njerëzit ndryshe shumë të shëndetshëm. Mund të trajtohet relativisht lehtë me ndryshime në dietë dhe duke marrë suplemente.

Diabeti i tipit 1 dhe i tipit 2

Diabeti mund të shkaktojë jo vetëm këmbët që duken të ftohta në prekje, por edhe këmbët që ndjejnë të ftohta për shkak të dëmtimit të nervave. Simptoma të tjera mund të përfshijnë mpirje ose ndjesi shpimi gjilpërash në këmbë. Nëse jeni duke përjetuar ndonjë simptomë të dëmtimit të nervit në këmbë, kontaktoni mjekun tuaj. /Telegrafi/