Pse duhet t’i mbani copat e meteorit larg magneteve?

Në Mbretërinë e Bashkuar, fragmente meteoritësh mund të kenë rënë në tokë të dielën. Ata nuk duhet të vijnë në kontakt me magnet.

Një meteorit mbi Britaninë e Madhe bëri bujë të dielën në mbrëmje.

Topi i zjarrit mund të shihej deri në Islandë dhe Holandë.

Regjistrimet video treguan se copa po udhëtonte me rreth 48,000 kilometra në orë, tha Ashley King i Muzeut të Historisë Natyrore në Londër, transmeton Telegrafi.

https://youtu.be/PZBjmScEbY8

Pjesë të meteorit mund të kishin rënë në tokë në veri të qytetit Cheltenham, rreth 140 kilometra në veriperëndim të Londrës, raporton GloucestershireLive. Fragmentet ka të ngjarë të jenë më të vogla se një portokall, tha King. Por ato mund të çojnë studiuesit në gjurmët e sekreteve të fshehura rreth hapësirës.

“Ne kemi mësuar gjatë viteve që shumica e meteoritëve mbajnë një lloj rekord të brendshëm magnetik nga kur ishin në hapësirë”, citohet të ketë thënë King. Nga kjo mund të mësohet se nga kanë ardhur këto gjëra dhe si kanë ardhur.

Sidoqoftë, studiuesi paralajmëron kundër vendosjes së një magneti në objekt. Do të ishte si të fshish kartat e kreditit me magnet. “Ne jemi duke humbur të gjithë këtë informacion.

Shkencëtarët britanikë i kërkuan popullatës, nëse gjetën një fragment meteori, ta fotografonin dhe të shkruanin koordinatat. Shkëmbi nuk duhet të preket, tha astrologia Katherine Joy nga Universiteti i Mançesterit. /Telegrafi/