Mbështetësit e Dodikut protestojnë me foton e Putinit

Një protestë në mbështetje të presidentit të entitetit të Bosnje dhe Hercegovinës, Republika Srpska, Milorad Dodik u zhvillua sot në lindje të Sarajevës.

Në protestat në Lukavicë ishin mbledhur disa qindra persona, ndër ta janë edhe politikanë serbë, raportonb klix.ba.

Turma mbante edhe një flamur me fotografinë e Vladimir Putinit, presidentit të Rusisë, i cili kërkohet nga Gjykata Ndërkombëtare e Drejtësisë për krime lufte në lidhje me dëbimin e paligjshëm të fëmijëve pas pushtimit rus të Ukrainës.

Protestat janë organizuar edhe në katër komuna të tjera në Republika Srpska pas ngritjes së një aktakuze nga Prokuroria e Bosnjë-Hercegovinës kundër Dodikut.

Ministria e Punëve të Brendshme e Kantonit të Sarajevës refuzoi kërkesën e “Komitetit për Mbrojtjen e të Drejtave të Serbëve në Federatën e BH” për të organizuar një protestë para Gjykatës së Bosnjë-Hercegovinës.

Organizatorët paraprakisht kishin paralajmëruar se do të ketë ndërprerje të trafikut, për të cilën autoritetet federale u përgjigjën se kjo në asnjë rrethanë nuk duhet të ndodhë sepse kjo do të nënkuptonte shkelje të Kushtetutës së Bosnjës dhe Hercegovinës dhe Marrëveshjes së Paqes të Dejtonit. /Telegrafi/