Procesi i realizimit të Fushatave Digjitale në Telegrafi Brand Studio

Të gjithë ju që jemi pjesë e një industrie që përballet me sfida të shumta dhe inovacione të vazhdueshme, siç është PR-i dhe Marketingu digjital, doemos duhet ta keni një proces të qartë për kampanjat digjitale në përgjithësi, vetëm kështu mund ta keni suksesin e planifikuar. Në këtë rast po fokusohemi konkretisht në fushatat digjitale në portale, shërbime këto që realizohen nga Telegrafi Brand Studio për Telegrafi.com. Ndërsa kur jemi të procesi, ekipi i Telegrafi Brand Studio të gjitha fushatat i kalon përmes disa hapave që kanë rezultuar të jenë shumë efektiv. Konkretisht ky proces fillon nga: faza fillestare që është ajo e hulumtimit, faza e planifikimit, implementimit, matjes dhe faza e fundit e procesit që është raportimi.

Hulumtimi dhe përcaktimi i objektivave

Procesi i punës në fazën e Hulumtimit në Telegrafi Brand Studio nuk është thjeshtë një hulumtim për të dhënat por është një proces për të kuptuar më shumë mbi audiencën që e synon klienti. Për të grumbulluar të dhëna të sakta bazohemi në disa pyetje bazike si: Cilat janë nevojat dhe dëshirat e konsumatorëve? dhe  Si mund të ndërtojmë një lidhje emocionale me ta përmes përmbajtjes sonë?

Në anën tjetër mundohemi të kuptojmë sa më shumë nga klienti rreth objektivave të tyre dhe planin e biznesit përfshirë aktivitetet konkrete. Grumbullohen të gjitha këto informacione dhe bëhen gati për fazën e planifikimit.

Planifikimi i strategjisë së personalizuar

Pas një hulumtimi të thellë, ekipi i Telegrafi Brand Studio, kalon në fazën e planifikimit. Është kjo faza ku krijohet strategjia e PR-it dhe Marketingut. Synimi kryesor i përcaktimit të fushatave është përmirësimi i imazhit të klientit dhe promovimi i shërbimeve/produkteve. Përcaktojmë qartë mesazhet kyçe të cilat më pas janë orientimi ynë kah duam ta drejtojnë përmbajtjen. Strategjitë krijohet kryesisht për periudhë një vjeçare.

Implementimi i fushatave bazuar në Strategji

Synimi i ekipit tonë gjithnjë për të mirën e klientit është që t’i qëndrojmë besnik Strategjisë, por duhet ta kemi parasysh se shpesh përballemi me ndryshime gjatë rrugës. Prandaj, ne jemi të gatshëm të zbatojmë një përshtatshmëri strategjike, duke u adaptuar dhe reaguar ndaj ndryshimeve bazuar në planin e biznesit të klientit ose ndaj ndryshimeve të reja në treg. Kjo përshtatshmëri është thelbësore për të ruajtur efikasitetin e fushatave tona në një mjedis që evoluon na vazhdimësi. Për ta arritur këtë kemi caktuar konsulentët e PR-it dhe Marketingut të cilët në mënyrë të vazhdueshme përcjellin ndryshimet në treg dhe kërkesat e klientëve.

Matja e performancës së fushatave

Në kohe reale secila fushate gjeneron të dhëna analitike për të matur impaktin dhe performancën. Përmes të dhënave që gjenerohen direkt nga platforma e Telegrafi.com për çdo artikull, baner dhe video, ne jemi në gjendje të ofrojmë një transparencë të lartë dhe të nxjerrim të dhëna vitale që do të ndihmojnë në optimizimin e fushatave në vazhdim.

Faza e Raportimit te klienti

Telegrafi Brand Studio udhëheq me transparencë kur bëhet fjalë për raportimin e suksesit të fushatave tona. Klientët pranojnë raporte të detajuara në baza mujore, të cilat jo vetëm tregojnë performancën, por gjithashtu japin rekomandime të qarta për veprime të mëtejshme. Ky raportim i përpiktë dhe i kuptueshëm siguron që klientët tanë janë gjithmonë në dijeni të vlerës që po krijojmë për brendet e tyre.

Ekipi ynë ka vendosur një standard të lartë të përsosmërisë në çdo aspekt të procesit të fushatave digjitale. Duke ndjekur këto pesë faza dhe duke i përpunuar thellësisht dhe me profesionalizëm, ne krijojmë fushata që jo vetëm tërheqin vëmendjen, por gjithashtu krijojmë raporte afatgjate me klient.