Prigozhin paralajmëron Putinin: Nëse nuk na jepni municione deri më 10 maj, Wagner do të largohet nga Bakhmuti

Shefi i grupit mercenar rus, Wagner, Yevgeny Prigozhin njoftoi të premten se ‘ushtarët e tij’ do të largohen nga qyteti ukrainas i Bakhmutit më 10 maj, sepse po iu mungon municioni.

Ai ka paralajmëruar presidentin rus, Vladimir Putin se do t’i largojë mercenarët pasi që nuk dëshirojnë të vazhdojë luftën pasi që luftëtarëve po iu mungon municioni, raporton cnn.

“Po i drejtohem zyrtarisht Shefit të Shtabit të Përgjithshëm, Ministrit të Mbrojtjes, Komandantit Suprem të Përgjithshëm dhe popullit të Rusisë”, tha ai.

“Unë deklaroj në emër të luftëtarëve Wagner, në emër të komandës Wagner, se më 10 maj 2023, ne jemi të detyruar të transferojmë pozicionet tona nga vendbanimet Bakhmutit tek njësitë e Ministrisë së Mbrojtjes dhe t’i dërgojmë në kampet e logjistikës trupat e pajetë të luftëtarëve të Wagnerit”, tha ai.

“Unë po tërheq njësitë e Wagner PMC sepse pa municion, ushtarët e mi do të vdesin në mënyrë të pakuptimtë”, vazhdoi ai, duke pretenduar se kjo po ndodh “shkaku i burokratëve ziliqarë rus”.

Kujtojmë se forcat e Prigozhinit kanë luajtur një rol kyç në sulmet ruse në territorin ukrainas, përfshirë Bakhmutin.

Lexo po ashtu Aleati i Putinit, Prigozhin shanë zyrtarët rusë në një video: Këta janë trupat e pajetë të grupit të Wagnerit

Ai është ankuar më parë se ka marrë mbështetje të pamjaftueshme nga Kremlini dhe, në një intervistë të dielën, kërcënoi se do të tërheqë mercenarët nga qyteti lindor ukrainas.

Zëdhënësi i Kremlinit, Dmitry Peskov nuk pranoi të komentonte njoftimin e së premtes, duke thënë në një konferencë me gazetarët se “sigurisht, e pashë atë në media, por nuk mund të komentoj pasi ka punë me operacionin special ushtarak”. /Telegrafi/