Një prodhim i pazakontë ka dalë në skenë, pasi kompania gjermane e modifikimeve të veturave, Refined Marques, ka krijuar një version të veçantë të Mercedes AMG G63 Cabriolet.
Ky model i rrallë është një nga 20 krijimet e personalizuara të këtij lloji, dhe çmimi fillestar i tij është 1,3 milion dollarë.
Refined Marques, ka përditësuar disa pjesë të G63, duke shtuar dy dyer më të vogla për hyrje dhe dalje më të lehtë.
Motori V8 me dy turbo, i cili ofron 577 kuaj fuqi, ka mbetur i pandryshuar.
Një fakt interesant është se, ky projekt fillimisht ishte ide e djalit të drejtorit të përgjithshëm të Refined Marques, Ahmed Al Bakry, i cili u inspirua nga modeli G Brabus.
Ndërsa ishte në procesin e zhvillimit, Al Bakry e prezantoi modelin edhe te ish-shefi i kontrollit të cilësisë së Mercedes-Benz, i cili pas një ore kërkimi nuk gjeti asnjë defekt.
Pas një zhvillimi 18 mujor, rezultati është një G63 Cabriolet i pazakontë.
Për ata që janë të interesuar për të poseduar një G63 Cabriolet të veçantë, do të duhet të shpejtojnë, pasi shumica e modeleve janë tashmë të shitura. /Telegrafi/
