Presidentja e KE-së: Kemi ndarë 75 milionë euro për Kosovën si mbështetje ndaj krizës energjetike

Kryetarja e Komisionit Evropian, Ursula von der Leyen tha se janë ndarë 75 milionë euro për Kosovën, si pako për mbështetje ndaj krizës energjetike.

Von der Leyen gjatë një konference për medie, theksoi se lufta energjetike e shkaktuar nga Rusia i ka goditur të gjithë.

“Bashkimi Evropian asnjëherë nuk do të dorëzohet, jemi këtu së bashku sepse jemi një bashkim energjetik. Jemi krah për krah me ju, me unitet dhe solidaritet do ta trajtojmë këtë krizë. Për ju është me rëndësi të keni qasje në blerje të gazit, duhet ti bashkoheni edhe përpjekjeve për blerje të gazit, do të përfitoni edhe nga propozimet dhe diskutimet ligjore që i kemi në BE lidhur me tavanin për çmime të gazit”, tha Von der Leyen, përcjell Telegrafi.

Russia’s energy war is hitting us all. We are with you.

With our energy support package, the EU is providing Kosovo with €75 million to protect citizens and businesses.

And with investments for your energy future. https://t.co/FTfZ1UAO5r

— Ursula von der Leyen (@vonderleyen) October 27, 2022

“Po përpiqemi që të çmimet të mos shkojnë shumë larg meqë jemi një union energjetik dhe ju do të përfitoni nga kjo. Ne do t’ ju japim një grant prej 75 milionë euro për të mbështetur menjëherë bizneset dhe ekonomitë familjare të cenueshme”, theksoi ajo, derisa shtoi se Kosova do të përfitojë edhe nga ndihma e BE-së për rajonin nga shuma prej 500 milionë euro.

Njoftimi vjen pasi rritja e çmimeve të energjisë të shkaktuar nga agresioni ushtarak i Rusisë në Ukrainë dhe fillimi i dimrit që dërgojnë valë tronditëse në ekonomitë evropiane që tashmë po luftojnë me inflacionin në rritje. /Telegrafi/