Presidenti polak Andrzej Duda ka arritur sot në një vizitë të paparalajmëruar në Kiev, ku i është drejtuar deputetëve të Parlamentit ukrainas.
Duda ka thënë se “vetëm Ukraina ka të drejtë të vendosë për të ardhmen e saj”, duke shtuar se “janë brengosës zërat” që propozojnë që Ukraina duhet të lëshojë “pe” karshi presidentit rus Vladimir Putin, transmeton Telegrafi.
Ai porositi deputetët ukrainas se nuk duhet dëgjuar thashethemet, pasi sipas tij “nëse lëshohet pe mbi territorin e Ukrainës, do të ishte një goditje e fuqishme për të gjitha vendet perëndimore”.
Siç raporton BBC, Duda gjithashtu ka theksuar se Polonia mbështet Ukrainën që të bëhet anëtare e Bashkimit Evropian – çështje kjo rreth të cilës nuk është arritur konsensus në BE.
Ai është lideri i parë i një vend që drejtpërdrejt iu drejtua Parlamentit ukrainas, që nga fillimi i pushtimit rus.
Pamjet janë publikuar në Tëitter nga vetë zyra e Dudas ku shihet sesi ka ovacione në Parlament, dhe përqafohet me presidentit ukrainas Volodymyr Zelensky. /Telegrafi/
