Postimi i Andy Robertson në Twitter në vitin 2012 tregon më së miri rritjen mbresëlënës të skocezit

Rritja e Andy Robertson në vitet e fundit me të vërtete ka qenë mahnitëse dhe kjo tregohet më së miri nga postimi i tij në Twitter në vitin 2012.

Në atë kohë postimi u bë nga një 18-vjeçar, i cili në gushtin e 2012 as nuk e kishte idenë se sot do të ishte kampion i Ligës Premier.

“Në këtë moshë jeta ta shpif pa para”, shkruante skocezi, i cili vazhdon të jetë lajm në media për shkak të kësaj, por me këtë rast edhe motivim për shumë tjerë, pasi ai filloi karrierën nga hiqi dhe tani është idhull i shumë njerëzve.

life at this age is rubbish with no money #needajob

— Andy Robertson (@andrewrobertso5) August 18, 2012

Tetë vjet më parë ai lunte për Queens Park në divizionin e tret skocez, ku të ardhat e klubeve janë të pakta, dhe kështu ai postoi në rrjetin social Twitter duke kërkuar një punë tjetër shtesë.

Rrugëtimi i Robertsonit: E filloi duke luajtur në divizionin e fundit skocez, në prani të 200 spektatorëve, vazhdoi tek Dundee United, në 2014 iu bashkua Hull Cityt për tre milionë funte. Ai në KCOM Stadium luajti për tre sezone, dy nga ta në Ligën Premier dhe kështu ra në sy të Liverpoolit.

Lexo po ashtu Të gjithë qeshën me parashikimin e Klopp në konferencën e parë si trajner i Liverpoolit, por gjermani ia arriti ta përmbush

Në vitin 2017 iu bashkua Reds për tetë milionë funte (afro 9 milionë euro), një vit më vonë u bë kapiten i Përfaqësueses së Skocisë, në vitin 2019 fitoi Ligën e Kampionëve, Superkupën e Evropës, Kupën e Botë për Klube dhe tani Ligën Premier.

Sot 26-vjeçari është një nga mbrojtësit më të mirë botë dhe ai konsiderohet i pashitshëm nga klubi anglez. /Telegrafi/

It’s been a long wait REDS but you deserve this night ❤️ pic.twitter.com/DPKWkGlpOY

— Andy Robertson (@andrewrobertso5) June 26, 2020