Post Malone thotë se “White Iverson” është kënga e vetme e tij e mirë (Video)

Superhiti “Rockstar” nga Post Malone ka qenë në vendin e parë të Billboard Hot 100 për tetë javë, por reperi i rritur në Dallas thotë se kjo nuk është kënga e tij më e mirë. Në fakt, ai thotë se asnjë prej këngëve të tij nuk e ka tejkaluar projektin që ja solli famën “White Iverson”.

Duke folur për Nardwuar, Posty bëri të ditur se ai ende mendon se kënga e tij e vetme “e mirë” është “White Iverson” dhe sqaroi pse duhet ta këndojë nga dy herë në koncerte.

“Unë kam pasur vetëm një këngë të mirë. Unë ende kam vetëm atë këngë të mirë, por duhet ta këndoj në fillim e edhe në fund, sepse askush nuk më ka njohur kush dreqin kam qenë para kësaj kënge”, deklaroi Post Malone.

“Ai është shumë i lezetshëm”, thotë Malonte teksa flet për Allen Iversonin.

“Ka ekzistuar një spekulim se Iverson më ka paditur me dëmshpërblim prej gjashtë milionë eurosh. Por, unë do të isha i mbaruar po që se do të ishte e vërtetë. E takova atë dhe ai ishte shumë i ëmbël. Ai më tha se djemtë e tij pëlqejnë këngët dhe pëlqejnë faktin që ekziston një këngë me mbiemrin e tyre”.

Post Malone do të sjellë këngën “Beerbongs & Bentleys” që u mendua të lansohej më 1 dhjetor, por u shtye në minutën e fundit.

“Rockstar” ra nga vendi i parë pasi “Perfect Duet” nga Ed Sheeran dhe Beyonce mori primatin

/Telegrafi/