Popovski-Baily: Liria e medias dhe transparenca elemente kyçe për shoqëritë demokratike

Ministri pa resor, i angazhuar me komunikime, transparencë dhe llogari dhënie, Robert Popovski, sot u takua me ambasadorin e SHBA-ve, Jess Baily.
Në këtë takim është biseduar për përkushtimin e Qeverisë së re në drejtim të transparencës, llogari dhënies dhe komunikimit të hapur të të gjitha institucioneve drejt qytetarëve të RM-së, në të gjitha temat që janë me interes publik.

‘Ministri Popovski në takim i ka cekur prioritetet e Qeverisë në drejtim të reformave në media në suaza të Planit 3-6-9 për të përshpejtuar proceset euro-integruese të vendit. Sa i përket transparencës së Qeverisë drejt mediumeve dhe publikut, ministri paralajmëroi konferenca javore për shtyp të cilat sektori për Komunikim do t’i mbajë pas çdo mbledhje të rregullt të Qeverisë, me synim që të njejtat të bëhen dukuri e rregullt’, thuhet në kumtesën e Kabinetit të Popovskit.

Në takim Popovski ka theksuar rëndësinë që Qeveria i jep përforcimit të rolit të trupave të vetë-rregullimit, të cilët konsiderohen se hapin rrugën drejt profesionalizimit të mediave në vend./Telegrafi/