Politikanë aktual dhe të mëparshëm nga Maqedonia në ‘Listën e Zezë’ të SHBA-së

Kryetari i PDSH-së, Menduh Thaçi, deputeti Xhevat Ademi, si dhe ish ministri për punë të brendshme dhe kryetar i partisë Të bashkuar për Maqedoninë, Ljube Boshkovski janë në Listën e Zezë të SHBA-së, listë për persona dhe kompani të cilëve iu ndalohet udhëtimi dhe kryerja e aktiviteteve financiare në SHBA.

Personat që ndodhen në këtë listë, sipas autoriteteve amerikane, paraqesin rrezik potencial për sigurinë kombëtare dhe interesat e shtetit, ndërsa me propozim të Departamentit të shtetit dhe ministrive të drejtësisë dhe financave, e nënshkruan presidenti i SHBA-së.

Në Listën e Zezë mund të hasen emrat e disa politikanëve aktuale dhe të mëparshëm, por edhe komandantë paramilitarë dhe mercenarë të grupeve terroriste.

Përveç Thaçit, Ademit dhe Boshkovskit, në Listën e Zezë të SHBA-së janë edhe Izair Samiu-Baci, Gafur Adili, Nevzat Halili, Nuri Bexheti, Xhavid Hasani, Xhemal Huseini, Daut Rexhepi dhe disa të tjerë.

Në listë ndodhen edhe persona të përfshirë në frontet luftarake në Siri, që ndërlidhen me organizatat terroriste, por me prejardhje janë nga Maqedonia./Telegrafi/