Policia ruse arreston edhe vëllain e Alexei Navalnyt

Policia e Moskës arrestoi Oleg Navalnyn, vëllanë e kritikut të burgosur të Kremlinit, Alexei Navalnyt, mbrëmë gjatë një kontrolli të pronave të lidhura me politikanin e opozitës, thanë aleatët e tij.

Dhjetëra mijëra njerëz dolën në rrugë të shtunën për të kërkuar lirimin e Navalnyt, i cili po vuan 30 ditë burg me akuzat e pretenduar të shkeljes së lirimit me kusht, të cilin ai po i mohon.

Policia tha që protestat ishin të paligjshme dhe u arrestuan gati 4,000 njerëz. Aleatët e Navalnyt po planifikojnë protesta të reja këtë të shtunën, raporton reuters.

Police in Moscow detained Oleg #Navalny , the brother of jailed Kremlin critic Alexei Navalny, on Wednesday during simultaneous searches of properties linked to the opposition politician, his allies said. https://t.co/7s5DSkSOBn

— Randa HABIB (@RandaHabib) January 27, 2021

Ivan Zhdanov, drejtori i Fondacionit Kundër Korrupsionit të Navalny, shkroi në Twitter se Oleg ishte në banesën e vëllait kur hyri policia. Nuk dihet pse u ndalua.

Zhdanov thotë se policia ka kryer kërkime si pjesë e një hetimi në thirrjet për protesta të reja që shkelin masat e paraqitura në pandeminë e coronavirusit.

Navalny ende nuk është kthyer në shtëpi që kur u helmua dhe gati u vra verën e kaluar në Rusi. Ai u arrestua javën e kaluar në aeroport kur po kthehej në Moskë nga Gjermania, ku ishte duke u trajtuar dhe duke u rimëkëmbur. /Telegrafi/