Policia greke përdor zjarr dhe gaz lotsjellës ndaj refugjatëve në kufirin turk

Mijëra migrantë, shumica prej tyre refugjatë, janë përleshur me policinë greke pranë qytetit kufitar turk të Erdine.

Greqia është e vendosur t’i zmbrapsë ata – ajo tashmë ka mbyllur kufirin e saj me Turqinë.

Por Turqia thotë se nuk do të ndalojë më refugjatët të shkojnë drejt Evropës pasi 33 trupat e saj u vranë në veri të Sirisë, transmeton Telegrafi.

Presidenti turk Rexhep Tajip Erdogan thotë se vendi i tij tashmë ka 3.6 milionë refugjatë sirianë për t’u kujdesur dhe kufiri me Evropën tani është i hapur.

“Përafërsisht 18,000 janë detyruar të kalojnë nëpër porta, por sot ajo mund të arrijë 25 deri në 30,000. Dhe ne nuk do t’i mbyllim këto dyert tani e tutje, dhe kjo do të vazhdojë”, tha ai të shtunën në mëngjes.

Skenat e dëshpëruara në ekranet televizive të refugjatëve duke u ngatërruar në tela me gjemba dhe përplasja e policisë me ta janë një mesazh për liderët evropianë se marrëveshja e refugjatëve e BE-së me Turqinë tani është në telashe.

Sipas saj, BE-ja ka paguar Turqinë për të pritur refugjatët. /Telegrafi/