Policia arreston dy të dyshuar për vjedhje të rëndë në Pejë, u kapen përmes kamerave të sigurisë

Policia, në rajonin e Pejës ka arrestuar dy persona të dyshuar për kryerjen e një vjedhjeje në një lokal në rrugën Mbretëresha Teutë.

“Policia e Kosovës, respektivisht stacioni policor në Pejë, është njoftuar se gjatë orëve të natës persona të dyshuar kanë hyrë me forcë ne lokalin e tij në rrugën ‘Mbretëresha Teutë’ në Pejë. Njësitet relevante të Policisë së Stacionit Policor Pejë, menjëherë iu kanë përgjigjur vendit të ngjarjes duke bërë sigurimin e vendngjarjes dhe mbledhjen e dëshmive”, thuhet në njoftim.

Pasi që lokali i viktimës posedon kamera sigurie dhe në kamera është vërejtur i dyshuari i maskuar duke e kryer vjedhjen.

Pas një pune operativo-hetimore nga njësitit i hetimeve me datë 9.11.2019, është arritur të behët identifikimi rrjedhimisht arrestimi i personave të dyshuar:

A.G. i lindur me 1999 m/k/sh

B.B. i lindur me 2000 m/k/sh.

I dyshuari 1- ka pranuar veprën penale dhe është personi i cili shihet në video incizime, ndërsa i dyshuari 2- e ka ndihmuar për shitjen e sendeve të vjedhura.

Të dyshuarit me urdhër të prokurorit të shtetit dërgohen në mbajtje për 48- orë. Rasti cilësohet “Vjedhje e Rëndë’”, thuhet në njoftim, përcjell Telegrafi.