“Pogba ka gjithçka për të qenë më i miri në botë”, Shaw vjen me lëvdata për bashkëlojtarin

Mbrojtësi i Manchester Unitedit, Luke Shaw ka lavdëruar bashkëlojtarin e tij, Paul Pogba, i cili sipas tij ka gjithçka për të qenë mesfushori më i mirë në botë.

Aftësitë e yllit francez nuk kanë qenë asnjëherë në dyshim, por 27-vjeçari është përpjekur të shfaqë atë talent mbi një bazë të vazhdueshme ndër vite.

Forma e tij që nga rikthimi te Djajtë e Kuq ka qenë e luhatshme dhe akuzat për të kanë qenë të shpeshta nga njohësit e futbollit dhe mediat.

Lexo po ashtu Real Madridi dhe Interi largohen nga gara, Juventusi favorit për transferimin e Pogbas

Megjithatë, bashkëlojtari i tij Shaw mendon se potenciali i Pogbas është i madh dhe francezi ka gjithçka për të qenë më i miri në botë.

I pyetur nga MUTV për të zgjedhur bashkëlojtarët nga të cilët frikësohet më shumë në trajnim, reprezentuesi anglez zgjodhi disa nga ta.

“Nuk do të thosha se frika është fjala e duhur sepse më pëlqen të luaj kundër emrave si Marcus Rashford dhe Anthony Martial sepse ata janë lojtarë të ndërlikuar, me cilësi të larta dhe mua më pëlqen sfida e përballjes me ta”.

“Në fakt, ndoshta lojtari më i vështirë për t’ia marr topin është Paul Pogba. Ai është shumë i madh, i fortë, ka këmbë të shpejta. Për të qenë i drejtë, ai ka gjithçka që të jetë mesfushori më i mirë në botë”.

Lexo po ashtu Dybala: Dua të luaj përsëri me Pogban, e vlerësoj shumë

“Mund të pyesni për çdo lojtar në ekip për këtë. Do të zgjedh Paulin si më të vështirin për t’u përballur, sepse është shumë e vështirë për ta rrëmbyer topin nga ai”.

“Ai e di se si ta mbrojë atë dhe ai gjithashtu ka cilësinë më të mirë për të dhënë goditje dhe pasime gjithashtu”, përfundoi mbrojtësi anglez. /Telegrafi/