Duke folur në konferencën për shtyp përpara ndeshjes së PSG-së në Ligue 1 kundër Rennes, Mauricio Pochettino diskutoi edhe për përplasjen e shumëpritur me Real Madridin.
Shumë nga pyetjet u fokusuan për ndeshjen e Ligës së Kampionëve.
Pochettino iu përgjigj disa pyetjeve në lidhje me ndeshjen e afërt, njëra prej të cilave u fokusua për sulmuesin kryesor të Real Madridit, Karim Benzema.
"Ai është një lojtar i madh, një nga sulmuesit më të mirë në botë. Ai ka qenë në këtë nivel për shumë vite”.
“Ai është një lojtar shumë i rëndësishëm për ekipin e tij dhe nëse nuk është, do të jetë një humbje për Real Madridin”.
“Nuk po them se do të jetë një përparësi për PSG-në sepse kundërshtarët tanë kanë lojtarë të tjerë të mëdhenj, por do të ndryshonte domosdoshmërisht disa gjëra”, ka thënë Pochettino. /Telegrafi/
