Po përpiqeni t’i humbni kilogramët e tepërt? Konsumoni më shpesh këto tri lloje ushqimesh

Kur jeni në një dietë ku dëshironi të humbni peshë, zakonisht mendohet se duhet të hani më pak ushqim. Por, kjo nuk është e vërtetë. Duke ngrënë ushqime të caktuara, mund të hani më shumë dhe të humbni peshë.

Një nga problemet më të mëdha me humbjen e peshës është marrja e madhe e ushqimeve shumë të përpunuara që blejmë në treg dhe rrjedhimisht marrja më e ulët e ushqimeve cilësore që na ndihmojnë në tretje normale.

Lexo po ashtu Karbohidratet që nuk duhet t’i konsumoni kurrë nëse dëshironi të humbni peshë

Ushqime të plota

Shumë ushqime në supermarkete zakonisht përpunohen dhe përmbajnë përforcues të shumtë të shijes, të cilët nuk janë alternativa më e shëndetshme dhe zakonisht përmbajnë më shumë kalori. Kjo është arsyeja pse është më mirë të hani ushqime të plota. Përveç kësaj, ushqimet e plota ofrojnë një ndjenjë më të gjatë të ngopjes, kështu që do të keni një dëshirë të reduktuar për të ngrënë ushqim shtesë.

Ushqime të pasura me fibra

Fibrat janë në listën e ushqimeve që duhen ngrënë për humbje peshe, sepse ushqimet e pasura me fibra janë zakonisht të varfra në kalori dhe të pasura me lëndë ushqyese. Gjithashtu, kur merrni më shumë fibra, keni më pak vend për ushqime të varfra me lëndë ushqyese dhe me kalori të lartë.

Lexo po ashtu Pesë gabime gjatë gatimit që mund t’ju pengojnë të humbni peshë

Proteinat joyndyrore

Marrja e sasisë së duhur të proteinave është thelbësore kur përpiqeni të humbni peshë, sepse proteina është lëndë ushqyese më e ngopshme dhe është treguar se ndihmon në reduktimin e marrjes së përgjithshme të kalorive gjatë ditës. Proteinat pa yndyrë janë gjithashtu të mira për humbje peshe,sepse kërkojnë më shumë energji për t’u tretur. /Telegrafi/