Po merrte marihuanë, policia arreston 25 vjeçarin në Ferizaj

Policia Rajonale e Ferizajt, ka njoftuar se sot rreth orës 03:20 të mëngjesit, ka pranuar një informacion se në rrugën “Brahim Ademi”, tek “Parku i Lirisë” në Ferizaj është një person i dyshimtë dhe se kishte zhurmë në atë pjesë.

“Policia i ka marr masat e nevojshme dhe menjëherë ka dalë tek ” Parku i Lirisë”, ku ka hasur në personin me inicialet L.M ( M/K) i moshës 25 vjeçar, i cili ishte duke përdorur substancë narkotike të llojit marihuanë. Gjatë legjitimimit dhe kontrollimit të tij, i janë gjetur tri (3) cigare të mbështjella me marihuanë, një qese e mbështjellë me marihuanë, një peshore digjitale për matjen e narkotikëve dhe një mulli i vogël për bluarje”, thuhet në njoftim.

I dyshuari është shoqëruar në stacionin e policisë në Ferizaj  dhe pas intervistimit nga policia, me vendim të Prokurorit kujdestar nga Prokuroria Themelore në Ferizaj , i njëjti është liruar për procedurë të rregullt, për hetim nga Njësia e Hetimeve,  ndërsa rasti është cilësuar ‘’Posedim i paautorizuar i substancave narkotike psikotrope ose analoge’’. /Telegrafi/