Po kthehej në shtëpi nga një natë plotë argëtim, rusja filmohet nga mikesha kur rrëzohet për vdekje derisa po këndonte

Ky është momenti rrëqethës kur një ruse filmohet nga mikesha kur rrëzohet për vdekje pasi pengohet në mur, kur ajo po këndonte dhe po festonte derisa po kthehej në shtëpi pas një nate plotë argëtim.

Momentet e fundit të Arina Glauznova, 24-vjeçe, u filmuan në një video të shkurtër në Tbilisi të Gjeorgjisë gjatë të premtes së fundit – derisa ajo ishte duke kënduar dhe vallëzuar me mikeshën, transmeton Telegrafi.

Arina nga Moska u pengua derisa po kalonte trotuarin dhe po këndonte hitin e bendit rus Hunger Boys – For The Last Time.

Derisa po vallëzonte në trotuar Arina shikon në drejtim të kamerës së telefonit të mikeshës – duke mos parë se ku po shkelte.

Në një moment ajo rrëzohet dhe mikesha e saj bërtet e filmimi ndërpritet. Mediat ruse raportojnë se ajo është përplasur fillimisht në mur dhe kishte përfunduar në nënkalim.

Pavarësisht se u dërgua me urgjencë në spital, mjekët vetëm se konstatuan vdekjen e saj nga plagët e marra në kokë dhe me qafë të thyer. /Telegrafi/