Pirlo apel klubit: Kam nevojë për një sulmues sa më shpejt të jetë e mundur

Juventusi ka zhvilluar ndeshjen e parë miqësore nën urdhrat e trajnerit të ri Andrea Pirlo.

Kampioni në fuqi i Italisë ka mposhtur Novarën me rezultat të thellë 5-0, në një takim ku debutuan edhe blerjet e reja.

Dejan Kulusevski, Arthur e Weston McKennie bënë debutimin në këtë takim, të cilin Zonja e Vjetër e fitoi pa shumë telashe.

Megjithatë trajneri i Juventusit, Andrea Pirlo i ka bërë të qartë klubit se dëshiron sjelljen e një sulmuesi sa më parë.

Luis Suarez e Edin Dzeko janë dy objektivat kryesorë të bardhezinjve, por operacioni për ta sjell njërin nga ta po është tejet i vështirë.

Il racconto della prima amichevole della stagione 👇🏻
Match Report ✍ https://t.co/IMB8gPylVy
G️allery 📷 https://t.co/nHcXiilK7J#JuveNovara#ForzaJuve pic.twitter.com/VxiGJJM4EG

— JuventusFC (@juventusfc) September 13, 2020

Barcelona për momentin ka bllokuar largimin e uruguaianit Suarez, ndërsa në anën tjetër Dzeko vështirë se do të largohet nga Roma.

Pas ndeshjes Pirlo ka thënë se ka nevojë për një sulmues sa më shpejtë të jetë e mundur.

“Po, është e vërtetë që kam nevojë për një sulmues dhe sa më shpejt të jetë e mundur”, ka thënë Pirlo për Sky Sports.

“Megjithatë afati kalimtar ka kohë deri në mbyllje dhe besoj se do të vijë një sulmues”, është shprehur tekniku italian.

Zonja e Vjetër ka mbetur pa argjentinasin Gonzalo Higuain i cili u largua si lojtar i lirë për t’iu bashkuar Inter Miamit në MLS. /Telegrafi/