Pioli pas fitores ndaj Napolit: Gjasat e kualifikimit janë ende të barabarta

Stefano Pioli këmbëngul se çerekfinalja e Ligës së Kampionëve me Napolin ‘mbetet 50-50’ edhe pasi Milani fitoi ndeshjen e parë me rezultat 1-0, duke pranuar se ndiheshin me fat për këtë rezultat.

Ka një epërsi 1-0 për Rossonerët për t’u mbrojtur në ndeshjen e dytë më 18 prill, falë Ismael Bennacer që përfundoi një kundërsulm të shpejtë të krijuar nga Brahim Diaz dhe Rafael Leao.

Napoli kishte më shumë posedim dhe gjuajtje në portë, por Mike Maignan ishte i barabartë me ta dhe Davide Calabria shpëtoi një gol të hershëm në vijën e portës ndaj Kvicha Kvaratskhelia.

Pas ndeshje ka folur trajnerin i Milanit, Pioli, i cili beson se ekipet ende i kanë gjasat e barabarta për të kaluar në gjysmëfinale të Ligës së Kampionëve.

Lexo po ashtu Milani fiton aktin e parë ndaj Napolit, kualifikimi vendoset në ndeshjen e kthimit

“Jam mbi të gjitha i lumtur që po shijoj mbrëmje si kjo me tifozët tanë. Historia e Milanit flet për shumë fitore të Ligës së Kampionëve, por vitet e fundit na panë të ëndërronim të arrijmë këtu, kështu që donim ta shijonim atë”, ka thënë fillimisht Pioli për Sky Sport Italia.

“Nuk kemi ndërtuar mirë nga prapa në fillim, duke i dhënë Napolit mundësinë për të na lënduar, por morëm fitoren e parë në shtëpi ndaj Napolit në tre vjet. Sigurisht që është vetëm pjesa e parë e kësaj ndeshjeje dhe mbetet ende për të luajtur”.

“Kemi strategjinë tonë, por ajo ndryshon në varësi të mënyrës se si janë vendosur kundërshtarët dhe si zhvillohet loja. Për shembull, Napoli ishte shumë më agresiv pa top këtë herë dhe mentaliteti gjithashtu bën diferencën, kështu që të marrësh epërsinë ose të shkosh prapa mund të ndryshojë gjithçka. E dinim që Napoli mund të na lëndonte në çdo moment”.

Lexo po ashtu Vlerësimi për Amir Rrahmanin dhe të tjerët, notat e lojtarëve në ndeshjen mes Milanit dhe Napolit

“Mendova se ishte 50-50 para fillimit dhe kjo mbetet e pandryshuar pas kësaj ndeshjeje të parë. Ishim pak me fat në fillim, por kurrë nuk humbëm ekuilibrin, ne e mbajtëm gjithmonë atë përqendrim dhe sakrifikuam pa top, duke i lejuar Napolit atë që është e drejtë për një ekip të cilësisë së tyre. Është e vërtetë në 10 minutat e fundit ne nuk arritëm të shënonim një gol të dytë dhe ka keqardhje, por ndeshja është e hapur dhe kjo është ajo që ne donim”, përfundoi italiani.

Ndryshe, fituesi i kësaj ndeshje do të përballen me Interin ose Benficën në gjysmëfinalen e Ligës së Kampionëve. /Telegrafi/