Pioli: Milani nuk është favorit kundër Juventusit

Stefano Pioli beson se Milani do të mësojë nga humbja e tyre në Ligën e Kampionëve ndaj Liverpoolit dhe duhet të luajë me ‘përqendrim dhe intensitet të lartë’ kundër Juventusit, teksa nuk mendon se ekipi i tij është favorit nesër.

Rossonerët janë mysafir të Bianconerëve në ndeshjen e cila pritet të zhvillohet nga ora 19:45 në Allianz Stadium.

Pioli zbuloi në konferencën për shtyp se Zlatan Ibrahimovic dhe Olivier Giroud do të mungojnë shkaku i lëndimeve, teksa nuk e sheh ekipin e tij favorit ndaj Juves.

Lexo po ashtu Ibrahimovic dhe Giruod, dy mungesat e mëdha të Milanit ndaj Juventusit

“Ne u dogjën nga Liverpooli në fillim të asaj ndeshje, dhe po ashtu edhe tifozët tanë. Ne luftuam, por realiteti është gjithashtu se ekipi ishte në gjendje të reagonte kundër një kundërshtari shumë të fortë. Ne gjithashtu duhet të jemi të vetëdijshëm se ka ende një ndryshim në nivel”, ka thënë fillimisht Pioli.

“Ne fituam në Serie A sepse vendosëm më shumë cilësi sesa kundërshtarët tanë, kjo është edhe arsyeja pse humbëm në Liverpool. Shpresoj se ajo përvojë mund të na ndihmojë të rritemi shumë, megjithatë”.

“Jam i kënaqur që takova përsëri Max Allegri, një trajner i madh dhe një njeri shumë inteligjent. Ishte e papritur të shihje Juven në këtë situatë, por ende nuk mendoj se nesër do të jemi favoritët”.

Lexo po ashtu Allegri flet për duelin me Milanin: Njëra nga ndeshjet më të rëndësishme, Juve luan për të fituar kampionatin

“Juve ka kampionë dhe traditë të madhe, shpresoj për një lojë të balancuar. Kushdo që luan futbollin më të mirë do të ketë një shans më të mirë për të fituar”.

“Është një ndeshje e rëndësishme për të dyja skuadrat, kokë më kokë. Unë pres që Juve të jetë agresiv, por ne mund t’i mposhtim nëse luajmë me përqendrim dhe intensitet superior. Ne duhet të bëjmë më mirë në mesfushë, kjo është ajo që na mungonte në Anfield”, përfundoi trajneri i Milanit. /Telegrafi/