Pioli: Komplimente gjithë ekipit, paraqitje e jashtëzakonshme

Stefano Pioli e ka cilësuar si paraqitje të jashtëzakonshme punën e skuadrës së tij ku i shkatërruan pretendentët evropian, Atalantan me rezultat 7-1.

Trajneri i Nerazzurrëve e ka përgëzuar ekipin e tij për paraqitjen e madhe ndaj Atalantas, dhe sipas tij çdo gjë që skuadra ka praktikuar ka punuar në mënyrë të përkryer.

Pioli gjithashtu është ndarë i kënaqur edhe me qëndrimin dhe vendosmërinë e treguar nga futbollistët e tij, pasi Atalanta e cilësoi si një skuadër të vështirë për tu mposhtur.

Lexo po ashtu Interi shkatërron Atalantan, shtatë gola për tre pikë (Video)

“Kjo ishte një performancë e jashtëzakonshme ku çdo gjë që kemi praktikuar ka punuar në mënyrë të përkryer”, ka thënë Pioli pas ndeshjes për Mediaset Premium.

“Ishte një lojë e një niveli të lartë dhe ne bëmë mirë për të bërë atë të duket e lehtë, sepse Atalanta janë një kundërshtar i ashpër dhe kishte pranuar shumë pak gola deri më tani”, përcjell Telegrafi.

“Interi dëshiron të luftoj në çdo ndeshje me besimin se ne mund të fitojnë atë, por në mënyrë të qartë ka disa skuadra me më shumë përvojë dhe të talentuar përpara nesh në tabelë”.

Lexo po ashtu Inter 7-1 Atalanta: Icardi e Banega me notë maksimale, dëshpëron Berisha (Foto)

“Ishte një rezultat i mirë, por ajo që me të vërtetë ka rëndësi është qëndrimi ynë në tabelë dhe kjo do të thotë se ndeshja e ardhshme është gjithmonë më e rëndësishmja”.

“Është e drejtë për të lëvduar individët, por sot unë dua të komplimentojë të gjithë ekipin, pasi kemi luajtur me uri dhe vendosmëri”, përfundoi trajneri italian. /Telegrafi/