Pioli identifikon gabimet e Milanit

Trajner Stefano Pioli ka identifikuar se ku po gabon Milani, pas barazimit 1-1 ndaj Udineses të shtunën mbrëma në Serie A.  

Beto kishte shfrytëzuar në maksimum një gabim në mbrojtje për epërsinë 1-0 të Udineses, por pikërisht kur shpresa po mbaronte për Milanin pas një paraqitjeje të dobët me pak shanse, Zlatan Ibrahimovic me një gol të bukur barazoi shifrat 1-1.

“Ne u përpoqëm të luanim stilin tonë të futbollit dhe nuk kishim mprehtësinë për të marrë vendime që do të veçonin një mbrojtje kaq të organizuar mirë”, ka thënë fillimisht Pioli për Sky Sport Italia.

“Kur pranon, kjo e bën edhe më të komplikuar kundër një skuadre që kundërsulmon aq mirë. Nuk krijuam shumë mundësi shënimi, por arritëm në të tretën e fundit kaq shumë herë dhe duhet të kishim barazuar më herët”.

“Ne po pranojmë gola vërtet budallenj që janë për shkak se humbasim topin, sepse marrim vendime të gabuara dhe luajmë shumë në qendër në vend që ta përhapim lojën”.

“Nuk e di nëse është mungesë besimi, por sigurisht që është mungesë mprehtësie dhe duhet të jemi shumë më të kujdesshëm me topin në këmbët tona”.

“Djemtë e mi janë të vetëdijshëm kur nuk po luajnë në mënyrën më të mirë të aftësive të tyre. Sigurisht që duhet të bëjmë më mirë dhe jam i bindur se do ta bëjmë, sepse këtu ka ambicie, por edhe aftësi për të kuptuar gabimet tona dhe për të punuar për to”.

“Mendoj se kemi humbur pak soliditetin në mbrojtje gjatë ndeshjeve të fundit, nuk jemi të mprehtë kur luajmë nga mbrojtja dhe kjo krijon hapësira. Është një çështje taktike për të cilën duhet të punojmë dhe jam i sigurt se djemtë do të jenë gati për këtë”, përfundoi trajneri i Milanit. /Telegrafi/